भौतिक पूर्वाधार तथा यातायात मन्त्री देवेन्द्र दाहालले भौतिक पूर्वाधार मन्त्रालय नै खारेज गर्ने विषयको बहस व्यर्थ र औचित्यहिन रहेको बताए । केहि दिन अघि अर्थशास्त्री विश्व पौडेलले ग्वार्को प्लाइओभर बनाउन भएको लापरवाहीलाई लिएर मन्त्रालय खारेजी गर्नु पर्ने तर्क सामाजिक सञ्जाल फेसवुकमा आफ्नो धारणा सार्वजनिक गरेका थिए । पौडेलको यो तर्क पछि सामाजिक सञ्जालमा देशभरका पूर्वाधार निर्माणमा मन्त्रालयले ढिलासुस्ती गरेको भन्दै चर्को चालोचना भएको थियो । विज्ञहरुले नै मन्त्रालयको खारेजीको विषयमा बहस गर्न थालेपछि मन्त्रालयको नेतृतवकर्ता मन्त्री देवेन्द्र दाहाल खारेजीको विपक्षमा उत्रिएका छन् । उनले सामाजिक सञ्जाल फेसबुक मार्फत् मन्त्रालय खारेजीको चर्चा औतिथ्य विहिन भएको बताए ।

विज्ञहरुबाटै नै यस प्रकारको धारणा आउँदा आफु तीन छक्क परेको मन्त्री दाहालले उल्लेख गरे । योजना आयोगमा उपाध्यक्ष भएर काम गरिसकेका व्यक्तिले नै यस्तो अभिव्यक्ति दिनु सान्दर्भिक नभएको उनको तर्क छ ।