काठमाडौँ । राष्ट्रिय सभाका सांसदहरूले किमाथाङ्का सडकको अनुगमन गरेका छन्। राष्ट्रिय सभाको सङ्घीयता सबलीकरण तथा राष्ट्रिय सरोकार समितिका सभापति र सदस्यहरूले कोशी करिडोरको सडक अनुगमन गरे ।

समिति सभापति सोनाम गेल्जेन शेर्पा, सदस्यहरू किरणबाबु श्रेष्ठ, गोपीबहादुर सार्की अछामी, दुर्गाकुमारी गुरुङ, मनरुपा शर्मा र राजेन्द्रलक्ष्मी गैरेसहित समितिका कर्मचारीहरू उपसचिव सरस्वती मरहठ्ठा र शाखा अधिकृत नारायणबहादुर कार्की सडक अनुगमन निस्किएका हुन् ।

उनीहरूले खाँदबारी– किमाथाङ्का   सडकअन्तर्गत भोटखोला गाउँपालिका–४ बरुण बजारसम्म सडक निर्माणको अवस्थाबारे जानकारी लिए। खाँदबारीबाट ८० किमी दूरीमा रहेको बरुण खोलासम्म सडक अनुगमन गरेका थिए । बरुण बजार भन्दा माथि किमाथाङ्का  सम्म पुग्न सडकको अवस्था राम्रो नभएकाले बरुण खोलासम्म मात्रै अवलोकन गरेको बताइएको छ ।
कुल १ सय ६२ किलोमिटर रहेको खाँदबारीदेखि किमाथाङ्का  सम्म सडक निर्माणाधीन अवस्थामा छ ।

सरकारले २०६६ देखी उत्त निर्माण थालेको भए पनि गत माघ १ गते मात्रै सडक छिचोलिएको हो ।