मध्यपहाडी लोकमार्ग अन्तर्गत बागलुङ खण्डको विकल्प मानिएको बेनी–दरवाङ–मुना–जलजला–ढोरपाटन सडकको ट्रयाक खुल्ने अन्तिम चरणमा पुगेको छ ।
यो खण्डमा ट्रयाक खोल्न चालु आवमा संघीय सरकारले ५ करोड बजेटबाट विनियोजन गरेको थियो । सडक डिभिजन कार्यालयले म्याग्दीको धौलागिरि गाउँपालिका–२ मरेनीदेखि ढोरपाटन जोड्ने सडकको ट्रयाक खुल्न लागेको हो ।

हालसम्म तीन किलोमिटर ट्रयाक खुलिसकेको छ । भने थप पाँच किलोमिटर खोलेपछि यो बाटो ढोरपाटनसँग जोडिने छ ।
बेनीबाट मुना–खोरीया–मरेनी हुँदै करिब ५६ किलोमिटर ट्रयाक खुलिसकेको छ । ढोरपाटनदेखी जलजलासम्म १० किलोमिटर कच्ची सडक निर्माण भइसकेको छ ।

बेनीबाट दरवाङ–मुना–जलजला–ढोरपाटन हुँदै पूर्वीरुकुमको टकसेरा जोड्ने सडकको ट्रयाक खुलेपछि मध्यपहाडी लोकमार्गको बागलुङ खण्डभन्दा ७० किलोमिटर दूरी छोटिने छ ।

बेनी– तातोपानी–बाबियाचौर–तोलावाङसम्म २० किलोमिटर सडक प्रदेश सरकारको लगानीमा कालोपत्र भएको छ ।