वास्तु प्राचीन शास्त्र हो तर आधुनिक समयमा यसको झन् धेरै महत्व बढ्दै गएको छ । भनिन्छ, वास्तु राम्रो भयो भने परिवारमा सुख हुन्छ । वास्तु ठीक भएन भने अनेक समस्या आउँछन् । घरको वास्तु ठीक पार्ने तपाईंले अनेक उपाय पढ्नु भएको होला यही कडीमा तपाईंहरुलाई हामी धनको समस्यबाट मुक्त हुने सजिलो तरिका बताउँछौँ ।
पैसा यस्तो चिज हो जो सबैलाई चाहिएको छ । हामी हरदिन यही कमाउन दौडधुप गरिरहेका छौँ । यस्तोमा यदि तपाईंले घरमा माटोले बनेका सामान राख्नु भयो भने पैसाका कारण हुने समस्या भोग्नु पर्दैन ।

माटोको घडा
वास्तुअनुसार हरेक घरमा माटोको घडा हुनु शुभ मानिन्छ । आधुनिक समयमा महंगो सामान राख्ने होडबाजीमा हामी अरु अरु नै सामान राख्छौँ । माटोका भाँडा चाँडै फुट्ने डरले पनि हामी पानी पिउन होस् वा चलाउन अरु नै सामान चलाउँछौँ तर अरु सामानसँगसँगै एकाध सामान माटोको हुनु राम्रो हुन्छ । खासगरी यदि तपाईँ माटोको घडामा राखिएको पानी पिउनुहुन्छ भने यसका अनेक फाइदा छन् । माटोको भाँडाले पानी मात्र चिसो बनाउँदैन यो भाँडोमा रहेको पानीको प्रयोग प्लास्टिक वा अन्य धातुबाट बनेका सामानको प्रयोगभन्दा हितकारी हुन्छ ।

वास्तुको दृष्टिकोणबाट हेर्ने हो भने चाहिँ घरमा माटाका घडा रहनाले देवी देवताको कृपादृष्टि रहिरहन्छ । माटोका भाँडामा देवी देवता बस्ने विश्वास गरिन्छ । जहाँ भगवानको बास हुन्छ त्यहाँ कुनै समस्या हुँदैन । तर माटाका भाँडा राख्दा एउटा कुरा कहिलै पनि बिर्सनु हुन्न । त्यो के भने यस्ता भाँडा कहिलै पनि खाली राख्नुहुन्न । पानी नराख्ने हो भने पनि केही न केही कुरा अवश्य राख्नु । खाली छाड्दा शक्ति कम हुन्छ त्यसैले यस्ता भाँडा भरेर राख्नु ।

गमलामा फूल
वास्तुअनुसार घरमा माटोका गमलामा रुख बिरुवा रोप्नु शुभ मानिन्छ । यसो गर्नाले घरमा खुसी आउँछ, घरमा शान्ति आउँछ । साथै घरमा रुख बिरुवा रहँदा वातावरण पनि मनोरम हुन्छ । हरियाली देखेर चित्त शान्त हुन्छ र विचार सकारात्मक आउँछन् । यसले तपाईंको मानसिक तनाव कम हुन्छ र तपाईं मन लगाएर चिताएको काम गर्नसक्नुहुन्छ । यसले घरमा धनको कमी पनि हुनदिन्न ।

माटोको दियो
सहरमा आजभोलि माटोको दियो विशेष चाडपर्वमा मात्र किन्न पाइन्छ । दियो बाल्दा खासगरी तामाको भाँडा प्रयोग हुन्छ तर तपाईंले घरमा हरेक दिन साँझ बिहान तुलसीको मठमा माटोको दियो बाल्नु भयो भने घरमा नेगेटिभ इनर्जी पस्न पाउँदैन । दियोले दुष्ट शक्तिलाई पनि टाढा राख्ने काम गर्छन् । वास्तुअनुसार यसो गर्नाले पैसाको मात्रा पनि बढ्न थाल्छ ।

माटाको मूर्ति
माटोले बनेका देवी देवताको मूर्ति राख्नु पनि शुभ मानिन्छ । यसले तपाईंको धनसँग जोडिएको सबै दुःख नाश हुन्छन् । यसकारणले पनि घर भित्र वा बाहिर माटोले बनाएका भगवान राख्नु । यसले तपाईंलाई फाइदै फाइदा हुन्छ ।